Mahimeta_34841a68f9809ab.txt افضل 10 العاب قوية جدا قادمة للموبايل تعرف عليها الان 2021 - 2022

القائمة الرئيسية

الصفحات

 مرحبا بك ي محترم

نصيحة فقط لا تعصي ربك / لا تعصي والديك / لا تدخين او تشرب المخدرات 

/ لا تقترب من بنات الناس الا بحق تذكر كما تدين تدان

 ( سبحان الله وبحمده سبحان الله العظيم )

افضل 10 العاب قوية جدا قادمة للموبايل تعرف عليها الان 2021 - 2022

   تعرف الى أفضل 10 العاب جديدة قادمة لهواتف الاندرويد والايفون لعام 2021 - 2022 , شرح احدث العاب الموبايل للاندرويد والايفون التي سيتم اطلاقها قريبا , 10 العاب قوية جدا قادمة للموبايل تعرف عليها الان 2021 - 2022 .


نبذة عن اقوى 10 العاب قادمة للاندرويد والايفون 2021 - 2022

منصة العاب هواتف الاندرويد والايفون اتسعت بشكل ملحوظ في الاعوام السابقة مما دعى شركات الالعاب الي تطوير العاب قوية لهواتف الاندرويد والايفون حيث تجد الان العاب كثيرة جدا وقوية اصبحت متوفرة لهواتف الاندرويد والايفون , وايضا لا ننسي ان بعض الشركات اصبحت الان تعمل علي قواتف قوية جدا مخصصه للالعاب بمعالجات قوية جدا ومساحه في الرام تصل الي 16 جيجا و مساحات تتخطي 500 جيجا كل هذه عوامل ستساعد علي تطوير العاب قوية جدا علي منصة الاندرويد والايفون والتي بالفعل بدأت تكون منصة العاب تجذب الكثيرين حاليا .

ومن هنا دعني اقدم لك افضل 10 العاب قوية جدا قادمة علي هواتف الاندرويد والايفون في خلال عامي 2021 - 2022 , تعرف الان علي العاب تستحق فعلا الانتظار العاب ستجدها ضخمه بها تطورات قوية جدا كل هذا ستشاهده علي هاتفك الاندرويد او الايفون , واخر اخبار وموعد اصدار العاب جديدة للاندرويد والايفون 2021 - 2022 .

ستجد فيديو شرح تفصيلي عن كل لعبة في الاسفل وايضا روابط التحميل المباشرة للالعاب .

قائمة الالعاب القادمة للاندرويد والايفون 2021 - 2022

10 - Party Animals


لعبة Party Animals بارتي انملس لعبة اونلاين قادمة لهواتف الاندرويد والايفون , لعبة حلوة جدا من العاب تعدد اللاعبين واللي متوقع انك تشوفها خلال العام الحالي 2021 , فكرة لعبة Party Animals للاندرويد والايفون هنا بتعتمد علي المرح مع الاصدقاء واللاعبين الاونلاين , هتختار هنا شخصيتك ف اللعبة وهتشوف قطط وكلاب ومخلوقات تانيه تقدر تلعب بيها ومنها هتبدأ تدخل مباريات فرق ضد بعض للفوز في نظام الاعب ضد اللاعب , لعبة Party Animals بتعتمد علي محرك الفيزياء الواقعية واللعبة فعلا هتكون ممتعه جدا وهتشوفها كده زي لعبة فول جايز Fall Guys من حيث المتعة والمرح , لعبة Party Animals هتنزل لهواتف الاندرويد والايفون وكمان للكمبيوتر .

وللتسجيل المسبق للعبة اضغط هنا

9 - Ace Racer


لعبة Ace Racer ايس ريسر لعبة اونلاين قادمة للهواتف الاندرويد والايفون واحده من اقوي العاب سباقات السيارات المنتظرة للهواتف من شركة Netease Games واللي هتكون منافس قوي لالعاب زي اسفلت 9 Asphalt , لعبة Ace Racer لعبة سباق سيارات اونلاين هتتوفر خلال العام الحالي , اللعبة بتقدم جرافيكس فعلا قوي جدا بجانب الواقعية في السيارات وبيئة ومدمار السباق , لعبة Ace Racer كمان بتحكي عن السباقات في المستقبل من خلال السيارات والبيئة وبداية السباق بالقفز من الطائرات , اللعبة كمان بتقدم سيارات كتير بمهارات مختلفة وتحكم مختلف, لعبة Ace Racer كمان بتعتمد علي تحدي الجاذبية والقفزات الجنونية , وهتشوف فيها كمان تفاصيل قوية جدا فالسيارات ومهارات في السباق زي التربو والوان النايترو  وهتشوف ان شركة Netease Games بتحاول فعلا تقدم كل حاجه قوية في لعبة سيارات للاندرويد والايفون ترتقي للمنافسه كافضل لعبة سيارات علي هواتف الاندرويد والايفون .

وللتسجيل المسبق للعبة اضغط هنا

8 - Devil May Cry Mobile


لعبة Devil May Cry Mobile لعبة الشيطان قد يبكي للاندرويد والايفون لعبة اونلاين هتتوفر قريب جدا للاندرويد والايفون , Devil May Cry لعبة من العاب الاكشن والقتال القوية جدا فعلا , اللعبة نزل منها نسخة تجريبية للاندرويد وخلصت يوم 1 ابريل ومن بعد النسخه دي هتكون في نسخه رسمية من اللعبة قريب جدا , لعبة Devil May Cry Mobile بتقدم اسلوب قوي من ناحية الحركة والمعارك والمهارات المختلفة وكمان المشاهد السينمائية الكتير والحوارات ونظام التحرك البطئ وكمان اساليب الاكشن والهجوم والاسلحة الكتير وقصة اللعبة , ودا طبعا غير الجرافيكس القوي وتصميم البيئة والعالم في اللعبة , لعبة Devil May Cry Mobile فعلا قوية جدا وتقريبا كل جيمرز الموبايل بيستنوها , وعشان تشغل لعبة Devil May Cry Mobile علي هاتفك الاندرويد ستحتاج مواصفات ليس اقل من 4 جيجا رام مع معالج سناب دراجون 660 او اعلي .

وللتسجيل المسبق للعبة اضغط هنا

7 - Gang domination


لعبة Gang domination جانج دومنيشن واللي هتتوفر قريب لهواتف الاندرويد والايفون اضخم لعبة تم الاعلان عنها من شركه جيم لوفت Gameloft العريقة للموبايل , لعبة جانج دومنيشن بتحكي عن مدينة نيو يورك سنه 2029 وهي من نمط العاب الاكشن واطلاق النار من منظور الشخص التالت , لعبة Gang domination كمان من العاب العالم المفتوح اللي بتعتمد علي نمط تعدد اللاعبين والحياة الواقعيه وهيكون فيها وضع الباتل رويال وكمان وضع تيم دث ماتش , كمان هتشوف فيها مود القصه وتقمص الادوار وكمان وضع السباقات الضخم واللي بداخلها هتقدر تدخل سباقات ضد لاعبين وايضا مطاردات مع الشرطه , تقدر كمان تلعب فيها بشكل حر وتتجول في عالم اللعبة المفتوح وسط الحياة الواقعية , وهتشوف ان لعبة جانج دومنيشن Gang domination لعبة ضخمه فعلا ومنتظرة بشدة 
وهيكون فيها كتير جدا من لعبة GTA V للاندرويد والايفون ويمكن تكون تعويض حلو جدا عن عدم اطلاق العاب جتا 4 و 5 للموبايل 
ونشوف لعبة جانج دومنيشن Gang domination بديل قوي ليهم .

وللتسجيل المسبق للعبة اضغط هنا

6 - ODIN VALHALLA RISING


لعبة ODIN VALHALLA RISING اودين فالهالا رايزنج لعبة اونلاين قادمة للهواتف الاندرويد والايفون هي لعبة اونلاين من العاب تعدد للاعبين تحت نمط MMORPG اللعبة تم الاعلان عنها من فترة كبيرة وبينتظرها جمهور كبير, لعبة ODIN VALHALLA RISING مطورة بمحرك Unreal engine 4 ومن انتاج شركة كورية , لعبة ODIN VALHALLA RISING بتحكي عن العصور الوسطي والقديمة زي عصور الفايكنج وبتعتمد بشكل اساسي علي العالم المفتوح الضخم والشاسع
مش بس كده اللعبة هيكون فيها اربع  عوالم مختلفين كليا عن بعض زي عالم الغابات و الاراضي الزراعية وعالم الثلج وعالم الجبال والوديات والصحراء , في لعبة ODIN VALHALLA RISING كمان هتقدر تتسلق الجبال وتسبح في المياه وتقاتل بشكل واقعي
دا غير ان هيكون فيها اكتر من نمط  للعب زي نمط PVP اول اللاعب ضد اللاعب وايضا النمط الفردي , لعبة ODIN VALHALLA RISING لعبة ضخمة قادمة لهواتف الاندرويد والايفون قريبا واعتقد انها هتكون فعلا لعبة مميزة علي الهواتف , لعبة اودين فالهالا هيتم اطلاقها بشكل مبدئي في النصف التاني من عام 2021 , وهتتوفر كنسخة للاندرويد والايفون وكمان نسخة للويندوز علي الكمبيوتر .

وللتسجيل المسبق للعبة اضغط هنا

5 - Vive le football


لعبة Vive le football فيف لو فوتبول لعبة اونلاين قادمة للهواتف الاندرويد والايفون , لعبة Vive le football لعبة كرة القدم قوية جدا ومنتظرة لهواتف الاندرويد والايفون من شركة NetEase Games لعبة بتقدملك تتطورات العاب كرة القدم الموجوده علي الكمبيوتر والبلايستيشن زي وضع الماستر ليج و وضع المدرب و وضع كرة قدم الشوارع وفيها كمان جرافيكس قوي جدا وتطورات تانيه زي المؤتمرات والتعاقدات  والوجوه الوقعية واحتفالات اللاعبين  اللي هتشوفها بشكل واقعي في لعبة Vive le football القادمة للموبايل 2021 , اللعبة نزل منها نسخه تجريبية من فترة وانتهت حاليا , وهينزل منها تاني نسخه يوم 13 وانا هكون من ضمن الفريق اللي هيجرب النسخه دي بشكل رسمي من الشركه , وان شاء الله هنزلكم فيديو عن النسخه دي لما تنزلي بشكل رسمي علي قناتي علي اليوتيوب الحريف - TECH اشترك فيها من هنا   , لعبة Vive le football حلوة جدا وقوية وتستحق فعلا ان تتابع اخبارها وتنتظرها بشدة .

وللتسجيل المسبق للعبة اضغط هنا

4 - Marvel Future Revolution


لعبة Marvel Future Revolution مارفل فيوتشر ريفلوشن لعبة مجانية هتكون متاحه لهواتف الاندرويد والايفون , لعبة قيمة جدا ومنتظرة بشده من شركه Netmarble العالمية  , لعبة Marvel Future Revolution دي هيتم اطلاقها خلال الشهور القليله القادمة , اللعبة طبعا من العاب عالم مارفل والابطال الخارقين هتقدر طبعا تختار وتلعب باي بطل انت عايزه في اللعبة , لعبة Marvel Future Revolution للاندرويد والايفون هتكون لعبة تقمص ادوار متعددة لشخصيات للابطال الخارقين المعروفين وكمان اللعبة هتعتمد علي العالم المفتوح وهتكون مجانية , ودي كلها حجات كويسه جدا ف اللعبة واتمني فعلا تكون حاجه مختلفه ونشوف لعبة ابطال خارقين بجرافيكس قوي واكشن بشكل قوي في عالم واسع من خلال لعبة Marvel Future Revolution القادمة للاندرويد والايفون 2021 .

وللتسجيل المسبق للعبة اضغط هنا

3 -  Fall Guys Mobile


لعبة Fall Guys لعبة فول جايز لعبة اونلاين قادمة للهواتف الاندرويد والايفون , لعبة Fall Guys الشهيرة اللعبة التي عملت شعبية كبيرة من وقت اطلاقها هي لعبة من العاب الباتل رويال بحيث انك بتدخل مع لاعبين اونلاين  لتخطي مجموعه مراحل ومهمات وعقبات للفوز بالمبارايات , لعبة Fall Guys حاليا بقت تابعة لشركة ايبك جيمز Epic Games الشهيرة واللي قامت بشرائها من مدة قريبة , اما نسخه لعبة Fall Guys للموبايل فهيتم نشرها من خلال شركه بيلي بيلي Bili Bili الصينية والمتوقع اننا هنشوفها في خلال شهر 8 القادم ودا الخبر المتداول حاليا .

وللتسجيل المسبق للعبة اضغط هنا

2 - Apex Legends Mobile


لعبة Apex Legends Mobile ايبكس ليجنس لعبة اونلاين قادمة للهواتف الاندرويد والايفون واحدة من اقوي وافضل الالعاب المنتظرة علي الهواتف , لعبة Apex Legends Mobile هي لعبة من العاب الباتل رويال الشهيرة جدا والموجودة علي اجهزة PC و PS4 وXbox , لعبة Apex Legends Mobile هنا هتقدم اضافات وتطورات هتميزها عن اي لعبه باتل رويال تاني هيكون فيها كمان شخصيات اسطورية تقدر تختارها وتلعب بيها  وكل واحد منهم ليه مهارات وقدرات بتميزه , هتشوف كمان في لعبة Apex Legends Mobile اسلحة كتير وخرائط متنوعة , ومتوقع طبعا انها هتكون بجرافيكس قوي جدا وهتكون منافس قوي لافضل العاب الباتل رويال الموجودة حاليا علي الهواتف , لعبة ايبكس ليجنس لعبة Apex Legends Mobile هيتم اصدارها ان شاء الله في خلال التلات شهور القادمه .

وللتسجيل المسبق للعبة اضغط هنا

1 - PUBG NEW STATE


لعبة PUBG NEW STATE ببجي نيو استيت لعبة اونلاين قادمة للهواتف الاندرويد والايفون , اللعبة اللي حصلت علي 10 مليون عملية تسجيل مسبق حتي الان , اللعبة هنا تعتبر نسخة جديدة كليا من لعبة ببجي للموبايل , لعبة PUBG NEW STATE تم الاعلان عنها من شركة كرافتون KRAFTON الكورية وهتتوفر للاندرويد والايفون , ولازم هنا تعرف ان شركة كرافتون هي المنشئ الاساسي للعبة ببجي في الاصل واللي اطلقت اللعبة في عام 2017 علي الحواسيب PC , لعبة ببجي نيو استيت بتدور احداثها في المستقبل في عام 2051 المستقبل اللي تطورت فيه المعارك بتكنولوجيا و تكتيكات جديدة للبقاء على قيد الحياة والفوز بالمباريات , لعبة PUBG NEW STATE من العاب الباتل رويال النمط المعروف من اللعبة الاصلية , هينزل 100 لاعب علي خريطه وهيبدأو في جمع الاسلحه والموارد والقتال عشان يفوز لاعب واحد او فريق الاختلاف هنا هتشوفه في جرافيكس اللعبة والخرائط المختلفة وواقعية البيئة والحركة واكشن المعارك , والمتوقع هنا انك تشوف لعبة ببجي 2 بجرافيكس واقعي بتتخطي حدود العاب الهواتف الموجودة حاليا علي حد قول الشركه المطورة , هتحتاج هنا علي الاقل 3 جيجا رام لتشغيل اللعبة كاقل اعدادات ممكنه , لعبة PUBG NEW STATE اشتهرت جدا وتقريبا كل اللاعبين بينتظروها بشده .

وللتسجيل المسبق للعبة اضغط هنا

شرح تفصيلي بالفيديو

تعليقات

 مرحبا بكم في موقعنا المتواضع

 هنا فقط تحصل علي ما تريد بدون الإعلانات الرخمة و الانتظار المملي 

تحميل مباشر ( ميديا فاير mediafire - ميجا mega - جوجل درايف google drive )


في النهاية نحب نقول شرفتنا بزيارتك لموقعنا يا محترم 

التنقل السريع